Säämi 1.10. TUORÂSTÂH 2/5
Puáldimamnâsij hadeh hirmástuteh
tavveen — diesel hadde puáhtá forgâ
leđe jo kulmâ euro litterist
Kaamasen kievari irâtteijeekyevtis
ferttee toollâđ puáldimamnâsij hade ton
verd paijeen, et tom kannat vyebdiđ.
Anarist Kaamasen kievarist lâi
vyebdimnáál Suomâ tivrâsumos diesel
čohčâmáánu majemuu peeivi. Aanaar
kuávlust lii lamaš Suomâ tivrâsumos
puáldimamnâsij hadde jo kuhháá.
Hadde lii pajanâm čoovčâ ääigi, ige
helppim tilán lah vyerdmináál. Suijân
lii Iran já Ovtâstum staatâi konflikt,
mii ain juátkoo.
Polttoaine.net -nettisijđo mield
tivrâsumos hadde ličij Kaamasen
kievarist, mut haddemeeri ij lah
nettisijđoin aaibâs tuotâ. Tot lii
paijeel 20 senttid tivrâsub ko tuođâi
Kaamasist pääihi alne.