Sápmi 30.9. GASKAVAHKKU 5/5
Ruoŧa duohtavuohtakomišuvdna lea
almmustahttán raporttas: Sápmelaččain
galgá átnut ándagassii
Duohtavuohtakommišuvdna almmustahtii
loahpparaporttas gaskavahku.
Sápmelaččaid duohtavuohtakommišuvdna
Ruoŧas cealká, ahte stáhtas lea
ovddasvástádus vearrivuođain, maid
sápmelaččat leat vásihan. Kommišuvnna
mielde stáhta galgá átnut ándagassii
sápmelaččain. Áššis muitalit Ruoŧa
mediat, earret eará SVT.
Kommišuvdna ávžžuha stáhta, ahte dat
ferte dovddastit vearrivuođaid ja
guoddit ovddasvástádusa dain.
Vearrivuođain máinnašuvvojit eatnamiid
massimat, nomádaskuvllat, bággosirdimat
ja vealeheapmi.