Sápmi 6.10. MAŊŊEBÁRGA 1/5
Bahčaveaji čázádagas gávdne ovtta
beaivvis guokte ođđa johkaskálžojoga
Dássážii Báhčaveaji čázádaga leat funet
dutkan johkaskálžžuid oasil. Dutki
mielas dál gánnehivčče dutkat, ovdalgo
olmmoš fas iežas doaimmaiguin bilida
visot.
Johkaskálžžut leat earenomáš
áitatvuložat ja daid lea issoras váttis
áicat. Liikká Luondduvuovddit Sápmi -
prošeavtta oktavuođas nagodedje gávdnat
ovtta beaivvi áigge guokte ođđa joga,
gos leat johkaskálžžut.
Dát lea stuorra ođas, dadjá skálžodutki
Aune Veersalu.
— Munnje gal áibbas stuorra ášši go
dábálaččat ovtta prošeavtta áigge
sáhttá gávdnat guokte muhto dál dat
guokte joga gávdnojedje seamma beaivve.
Dat gal lea stuorra ášši.